*🌹 २१ ऑगस्ट 🌹* *सुप्रसिद्ध गायिका वैशाली माडेचा आज वाढदिवस*

जन्म – २१ ऑगस्ट १९८४ (हिंगणघाट,वर्धा)

महाराष्ट्राची महागायिका म्हणून ओळखली जाणारी वैशाली भैसने-माडेचा आज वाढदिवस.

सध्याच्या नवीन पिढीचा दमदार आवाज म्हणजे वैशाली भैसने-माडे. लहानशा खेड्यात जन्मलेली, वाढलेली शेतकरी कुटुंबातील ही मुलगी. त्या गावात पंधरा सोळा वर्षांपूर्वी पर्यंत डोक्यावर हंडे घेऊन बाहेरगावाहून पाणी आणावे लागयचे. शेती हाच मुख्य व्यवसाय होता. आपली शेती दुसऱ्याला मक्त्याने देऊन मिळालेल्या पैशात संसार चालवायचा. दुपारचे जेवण मिळाले, तर रात्रीचे काय, अशा विवंचनेत जगत असलेले हे कुटुंब. अशा हलाखीच्या परिस्थिती वैशालीचे बालपण गेले.

वैशाली झी टीव्ही वरील सारेगमप रिएलिटी शो २००९ ची विजेती आहे. २००९ च्या ‘सारेगमप’ स्पर्धेमुळे वैशालीचा आवाज घराघरात पोचला. या स्पर्धेचं विजेतेपद पटकाविल्यानंतर तिनं पुढच्याच वर्षी झालेल्या ‘सारेगमप चॅलेंजर’हा हिंदी कार्यक्रमा मध्येही बाजी मारली. या विजेतेपदामुळे ती राष्ट्रीय पातळीवर सर्वांच्या कौतुकास पात्र ठरली.

२०११ मधील ‘दमादम’ या चित्रपटाद्वारे तिने हिंदी चित्रपट पार्श्वगायन क्षेत्रात पदार्पण केले. ‘बाजीराव मस्तानी’ या चित्रपटासाठी तिने श्रेया घोषाल बरोबर गायलेल्या ‘पिंगा’ या गाण्याला मोठी लोकप्रियता मिळाली. तिने ‘कलंक’ चित्रपट मधील ‘घर मोरे परदेसिया’ या गाण्यालाही स्वरसाज दिला आहे.

नवरा माझा भवरा, वाघी, खरं सांगू खोटं खोटं, हंटर, कॅरी ऑन मराठा, जुगाड, लालबागची राणी, गर्भ; या मराठी चित्रपटा साठीही तिने पार्श्वगायन केले आहे. होणार सून मी या घरची, माझ्या नवऱ्याची बायको; या मालिकांची शीर्षक गीते तिने गायली आहेत.

*संजीव वेलणकर, पुणे*
*९४२२३०१७३३*
*संदर्भ : इंटरनेट*

*संकलन : मिलिंद पंडित, कल्याण*