बदलापूर शहर राष्ट्रवादी काँग्रेस पक्ष (शरद पवार गट) अध्यक्ष पदी कालिदास देशमुख यांची नियुक्ती,,,,

बदलापूर! बदलापूर शहर राष्ट्रवादी काँग्रेस (शरदचंद्र पवार गट) अध्यक्ष पदी कालिदास देशमुख यांची नियुक्ती करण्यात आली आहे, राष्ट्रवादी काँग्रेस पक्षाच्या ठाणे जिल्हा ग्रामीण अध्यक्षा विद्याताई वेखंडे यांनी सदरची नियुक्ती केली आहे, या पुर्वी माजी नगरसेवक शैलेश वडनेरे यांनी राष्ट्रवादी काँग्रेस पक्षाची बदलापुर शहर अध्यक्ष म्हणून धुरा सांभाळली होती, शैलेश वडनेरे शहर अध्यक्ष पदावर कार्यरत असताना लोकसभा निवडणुकीत राष्ट्रवादी काँग्रेस पक्षाचे भिवंडी लोकसभा मतदारसंघाचे उमेदवार सुरेश (बाळ्या मामा) म्हात्रे यांनी उमेदवारी घेत विजय मिळवला असुन भिवंडी लोकसभा मतदारसंघात राष्ट्रवादी काँग्रेस पक्षाचा खासदार आहे,

सध्या विधानसभा निवडणुक जाहीर झाली असल्याने तात्कालीन शहर अध्यक्ष शैलेश वडनेरे यांनी मुरबाड विधानसभा मतदारसंघातील उमेदवारी साठी प्रयत्न केले होते, परंतु शिवसेना शिंदे गटाचे शुभाष पवार यांनी ऐनवेळी राष्ट्रवादी काँग्रेस पक्षात प्रवेश करुन, मुरबाड विधानसभा मतदारसंघात उमेदवारी मिळवली असल्याने, शैलेश वडनेरे यांनी प्रचंड नाराजी व्यक्त करत शहर अध्यक्ष पदाचा राजीनामा देऊन राष्ट्रवादी काँग्रेस पक्षाला देखील सोडचिठ्ठी दिली आहे, या मुळे ऐन निवडणुकीच्या तोंडावर शहराला सक्षम अध्यक्षाची आवश्यकता असल्याने राष्ट्रवादी काँग्रेस पक्षाचे प्रदेश सचिव कालिदास देशमुख यांच्या कडे, ठाणे जिल्हा ग्रामीण अध्यक्षा विद्याताई वेखंडे यांनी बदलापुर शहराची जबाबदारी सोपवली असुन कालिदास देशमुख यांची प्रभारी शहर अध्यक्ष म्हणून नियुक्ती केली आहे,